Prim pass con Okawix
Ël prim pass con Okawix:
Quand ch'a fa parte Okawix për la prima vira, a armarcrà: an cò dla fnestra Okawix, la bara dj'utiss; sota la bara dj'utiss, la bara d'arserca; e sota la bara dl'arserca, ël quàder ëd gestion dël còrp e, an sla drita, un quàder prinsipal. Cost-sì a lo abìlita a selessioné la lenga dël contnù (ëdcò ciamà archive, o Còrp) che a peul vorèj carié, an manera ch'a peula leslo fòra linia. A peule serne quante lenghe ch'a veul.
Për esempi, ch'a selession-a Piemontèis, e peui ch'a sgnaca Selessioné la lenga.
A-i sàuta fòra na lista ëd tùit j'archivi disponìbij an costa lenga. An dzorpì, a l'ha ëdcò la possibilità ëd ciamé la creassion ëd n'archivi ëd sò sit an sl'aragnà: ch'a anserissa mach soa adrëssa ëd pòsta eletrònica e l'adrëssa ëd sò sit, e ch'a sgnaca Arcesta.
Ch'a sgnaca ël boton Dëscarié ëd l'archivi che a veul lese fòra linia. Okawix a j'eufr ëd salvé st'archivi ansima a un disch local, ant ël dossié ch'a veul.
A peul serne ëd dëscarié l'archivi con o sensa le figure (për manten-e pi cit possìbil ël temp e la quantità dë spassi local necessari a dëscarié l'archivi).
Ch'a sgnaca Anstalé. L'archivi selessionà a l'é antlora salvà, e soa pàgina d'intrada a compariss ant ël quàder prinsipal (sensa le figure s'a serne ëd dëscarieje nen). Ant ël quàder dë snista, ël nòm dl'archivi a l'é giontà a la lista dj'archivi ch'a son memorisà localment.
J'artìcoj ëd cost'archivi a peulo adess esse lesù fòra linia.
Ij boton "André" e "Anans"
Ij boton andré e anans : ij boton andré e anans at përmëtto d'andé andré a l'arsorsa prima e d'andé anans, pròpi com an tuti ij navigador.
Ël boton "Intrada"
Ël boton Intrada: a visualisa ant ël quàder prinsipal la pàgina prinsipal ëd l'archivi ch'a l'é an camin ch'a consulta, e an sla snista ël quàder ëd gestion dël contnù.
Ël boton "Mostra j'arzultà dl'arserca"
Ël boton Mostra j'arzultà d'arserca: a visualisa ant ël quàder dë snista stërmàbil j'arzultà ëd toa ùltima arserca.
Ël boton "Mostra la stòria"
Ël boton Mostra stòria: a visualisa ant ël quàder stërmàbil dë snista j'ùltime arserche ch'it l'has fàit, ëdcò conossùe com la stòria ëd toe arserche, quand ch'it deuvre la fonsion d'arserca d'Okawix. Sgnaché su n'element dla stòria ëd toe arserche a visualisa ant ël midem quàder dë snista l'arzultà dl'arserca doa it l'has ësgnacà.
Ël boton "Stampa sta pàgina-sì"
Ël boton Stampa sta pàgina-sì: a fà parte l'utiss dë stampa ëd tò sistema operativ.
Ël boton "Pi contnù"
Ël boton Pi contnù: a visualisa an sla snista ël quàder ëd gestion dël contnù, e ant ël quàder prinsipal, a drita, ël mòdol ëd selession ëd la lenga (se la lenga a l'é già stàita sërnùa ant la session corenta d'Okawix, a-i compariss nopà la pàgina ëd selession d'archivi, con j'archivi disponìbij për toa lenga selessionà).
Ël boton "Agiut"
Ël boton Agiut: a visualisa sta guida utent-sì (andrinta la fnestra dla guida utent, it trovëras ëdcò ël boton Dzora. Sgnacandje ansima as duvertrà la casela Dzora, con andrinta j'acreditament d'Okawix).
Serca andrinta a un test
Com serché ant un còrp (camp Sërché e boton Ancaminé l'arserca): Okawix a rend possìbil sërché ant ël còrp ativ l'artìcol rilevant për n'arserca ch'a veul fé. Costa funsionalità a l'é mantnùa dal motor d'arserca semàntica ëd Wikiwix (dësvlupà, com Okawix, da la società Linterweb).
L'arserca a l'é sempia: ch'a buta mach soa arserca ant ël camp d'arserca. Antramentre ch'a scriv, la funsionalità d'àuto-completament a-j forniss dij sugeriment ëd j'arserche ch'a l'han a vëdde con lòn ch'a l'ha già scrivù fin a col moment e al còrp ativ al moment (la funsionalità d'àuto-completament a l'é ativà mach apress ch'a l'ha già butà ant ël camp d'arserca almanch quatr litre; ch'a nòta che ël sempi fàit che na paròla a-i é pa ant la lista dij sugeriment a veul pa dì che la paròla a l'ha gnun-e ocorense ant ël còrp o che j'artìcoj dël còrp a conten-o pa soa arserca).
Na vira che soa arserca a l'é anserìa, ch'a fasa un-a dle còse sì-sota për completé l'arserca:br />
- ch'a sgnaca un-a dle paròle sugerìe.
- ch'a selession-a un-a dle paròle sugerìe con le ciav dël cursor Su e Giù, e ch'a sgnaca A cap.
- ch'a anserissa na paròla ant ël camp Sërché e ch'a sgnaca A cap.
- ch'a anserissa na paròla ant ël camp Sërché e ch'a sgnaca an sël boton Ancaminé l'arserca
Ij prim vintessinch arzultà a son ësmonù ant ël quàder ëstrenzìbil dë snista, ordinà për amportansa an soa arserca. Ij nòm ëd j'artìcoj trovà dal motor d'arserca a son ëscrit su 'd bare colorà retangolar con longheur proporsional a l'amportansa dl'artìcol an soa arserca.
Nòta 1: ël fàit che n'artìcol a sia tra j'arzultà rilevant an n'arserca a veul pa dì che l'artìcol a conten-a tute le paròle dë st'arserca; la rilevansa ëd n'artìcol a l'é valutà dal motor d'arserca Wikiwix con l'agiut ëd n'algoritm complicà dont ij detaj a son për maleur fòra dël but dë sta documentassion.
Nòta 2: Wikiwix a l'é progetà për travajé al mej con le chestion butà an lenga natural (ëdcò ciamà ordinaria). Visadì, nopà d'anserì ant ël camp d'arserca mach ëd paròle ciav, che chiel a së spete che a dago ij mej arzultà d'arserca, visadì, nopà d'adaté soa arserca al motor d'arserca, com a dovrìa fé con tanti motor d'arserca, con Wikiwix a peul ciamé soa chestion giusta com a farìe se a parlèissa a na përson-a uman-a. Për esempi, butoma ch'a-j piasrìa savèj quant ch'a l'é àuta la tor Eiffel. Con Wikiwix, a peul ciamé soa chestion an costa manera: "Vàire ch'a l'é àuta la tor Eiffel?". Wikiwix a sërcrà ëd "capì" ël sust ëd soa chestion e a jë smonrà j'arzultà d'arserca pi amportant për soa chestion. I dovoma an tùit ij cas s-ciarì che Wikiwix a riva pa anco' al grad d'anteligensa d'un ver esse uman ant la comprension ëd na chestion; dj'ameliorassion a saran fàite quand dle version neuve d'Okawix e ëd Wikiwix a saran publicà.
Ël boton "Treuva na paròla an sta pàgina-sì".
Ël boton Trové na paròla an sta pàgina-sì: a përmët a l'utent ëd trové j'ocorense ëd na data stringa ëd caràter andrinta a la pàgina ch'a l'é al moment ësmonùa ant ël quàder prinsipal. Quand ch'a sgnaca su col boton, as deurb na cita casela ëd diàlogh Trové. Ch'a buta ant ël camp ëd test qualsëssìa stringa ëd caràter dont a vorërìa trové j'ocorense, s'a-i na j'é.
Ch'a selession-a la casela Match cases'a veul che l'arserca a sia sensìbil a le majùscole, dësnò ch'a la desselession-a (se st'opsion a l'é selessionà e chiel a sërca j'ocorense dla paròla "stat", antlora j'ocorense dla paròla "Stat" a saran pa trovà, përchè a rispeto pa ij caràter majùscoj, da già che "Stat" a ancamin-a con na majùscola, al contrari dë "stat").
Ch'a selession-a la casela Wrap s'a veul che l'arserca a continua an sima dla pàgina na vira ch'a l'é rivà a la fin (dësnò ch'a la desselession-a).
A peul ëdcò amposté la diression ëd l'arserca: inissi-fin se Giù a l'é selessionà, fin-inissi se Su a l'é selessionà.
Peui ch'a sgnacaTreuva për ancaminé l'arserca. S'a-i na j'é, la prima ocorensa dla stringa ëd caràter a l'é iluminà an bleu. Ch'a sgnaca torna për trové la sconda ocorensa, s'a-i na j'é, peui torna për trové la tersa ocorensa, ... Se gnun-e ocorense, o gnun'àutra, a son trovà ant la pàgina, a vëddrà ël mëssagi "Ël test ch'a l'ha anserì as treuva pa" (gavà che la casela Wrap a sia selessionà).
Ch'a sgnaca Scancelé për saré la cita casela ëd diàlogh Trové.
La pàgina ëd selession ëd la lenga
La pàgina ëd selession ëd la lenga: sta pàgina a lo abìlita a selessioné la lenga dël contnù (ëdcò ciamà archivi, o Còrp) che a-j piasrìa ch'a fussa dëscarià, an manera da podèjlo lese fòra 'd linia. Se la lenga a l'é pa anco' stàita selessionà ant la session Okawix corenta, a riva a sta pàgina an ësgnacand ël boton Pi 'd contnù dla bara dj'utiss. Se la lenga a l'é già stàita selessionà, a l'é smonùa la pàgina ëd selession dj'archivi nopà che la pàgina ëd selession dla lenga; a peul antlora cangé la lenga selessionà an sgnacand su modifiché (apress le paròle "Lenga sërnùa").
A peul selessioné vàire lenghe. Le lenghe a son ordinà scond ël nùmer d'artìcoj ëd Wikipedia ant la lenga corespondenta.
Peui, ch'a sgnaca Selessioné dle lenghe; la pàgina ëd selession dj'archivi a seurt.
La pàgina ëd selession ëd j'archivi
La pàgina ëd selession dj'archivi: Sta pàgina a-j përmët prima ëd selessioné j'archivi che a veul ch'a sio dëscarià, parèj da podèj-je lese fòra 'd linia, e a j'eufr an pi ëd creé n'archivi ëd sò sit. A riva a sta pàgina an sgnacand ël boton Pi 'd contnù dla bara dj'utiss. Se la lenga a l'é pa anco' stàita selessionà ant la session Okawix corenta, la pàgina ëd selession dla lenga a l'é visualisà nopà ëd la pàgina ëd selession dj'archivi; ant ës cas-sì a dovrà prima selessioné la lenga dël contnù (ëdcò ciamà archivi, o Còrp) che a veul ch'a sia dëscarià e peui sgnaché Selessioné na lenga, an manera da eventualment rivé a la pàgina ëd selession dj'archivi.
La pàgina ëd selession dj'archivi a-j fa vëdde che archivi a son disponìbij per la lenga che a l'ha prima selessionà, e vàire che sti archivi a son gròss.
Për dëscarié n'archivi, ch'a sgnaca mach an sël boton corespondent Dëscarié. La pàgina d'instalassion dë st'archivi a l'é antlora visualisà, e ël nòm ëd l'archivi a l'é giontà a la lista anstalé dj'archivi che a speto l'instalassion për la session d'Okawix an cors, ant ël quàder ëd gestion dël còrp (ël quàder ëscursàbil dë snista).
Finalment, s'a veul avèj n'archivi ëd sò sit an sl'aragnà da esse ancor creà, ch'a anserissa mach soa adrëssa ëd pòsta eletrònica e l'adrëssa ëd sò sit, e ch'a sgnaca Arcesta.
La pàgina d'anstalassion
La pàgina d'instalassion ëd n'archivi dàit: a abìlita a dëscarié e instalé n'archivi selessionà an precedensa. Për acede a sta pàgina, ch'a fasa un-a ëd coste assion:
- ch'a sgnaca, ant ël quàder ëd gestion dël còrp (ël quàder strenzìbil dë snista), an sël nòm ëd n'archivi ch'a sern, ant la lista anstalé, se sta lista a l'é pa veuida.
- se l'archivi ch'a veule instalé a l'é pa ant la lista anstalé ëd l'archivi ch'a speta l'instalassion ant la session Okawix corenta, ant ël quàder ëd gestion dël còrp (ël quàder ëscursàbil dë snista), antlora ch'a sgnaca, ant la pàgina ëd selession dl'archivi, an sël boton Dëscarié corespondent a l'archivi ch'a serne.
La pàgina a jë smon ël nòm ëd l'archivi da instalé, e ël dossié andoa l'archivi a sarà salvà (s'a veul serne n'àutr dossié, ch'a anserissa ël senté d'ës dossié ant ël corespondent camp ëd test, o ch'a sgnaca ël boton Dësfujé e ch'a selession-a ël dossié giust).
Se l'opsion Anstalé dle figure a l'é selessionà, le figure contnùe ant j'artìcoj a saran dëscarià e instalà da bin (sossì a aumentrà ël temp ëd dëscaria e la quantità ëd memòria local necessaria për salvé l'archivi).
La dimension total ëd lòn ch'a l'é an camin a anstalé (mach l'archivi, o l'archivi con le figure) a l'é ëdcò mostrà sota ël boton Dësfujé.
An sgnacand Cancel as gavrà ël nòm ëd l'archivi da la lista anstalé ëd l'archivi ch'a speta l'instalassion ant la session Okawix corenta, ant ël quàder ëd gestion dël còrp (ël quàder scursàbil dë snista).
S'a sgnaca su Anstalé, Okawix a instala l'archivi, dont ël nòm a l'é tramudà da la lista anstalé dl'archivi ch'a speta l'instalassion ant la session Okawix corenta, a la lista local dj'archivi già instalà, ant ël quàder ëd gestion dël còrp (ël quàder ëscursàbil dë snista). Se st'archivi a l'é stàit instalà an precedensa, a s-ciairërà un mëssagi ch'a-j dis che "ël còrp a l'é già instalà" e a-j ciama se "a veul modifichelo".
Ël quàder ëd gestion dël contnù
Ël quàder ëd gestion dël còrp: a lo abìlita a gestì ël còrp (ëdcò ciamà archivi, o contnù) për esempi, a instalé o eliminelo, a gionté le figure, ...
A peul acede a cost quàder an sgnacand, ant la bara dj'utiss, su Intrada, o su Pi 'd contnù. Ël quàder a l'é scursàbil a a ven sempe a snista dl'antërfacia.
Ël quàder a conten, da n'àut an bass:
- la lista local dj'archivi instalà an precedensa (s'a-i na j'é). An sgnacand su n'archivi dë sta lista as visualisa la pàgina prinsipal ëd s'archivi.
- la lista anstalé dj'archivi ch'a speto l'instalassion da la session Okawix corenta (s'a-i na j'é). An sgnacand su n'archivi dë sta lista as visualisa la pàgina d'instalassion ëd s'archivi ant ël quàder prinsipal, a drita dl'antërfacia.
- dle vire, un boton http. An sgnacand su sto boton as visualisa, an sla drita dl'antërfacia, la pàgina ëd selession dla lenga (se la lenga a l'é già stàita selessionà për la session Okawix corenta, la pàgina ëd selession dj'archivi disponìbij për le lenghe selessionà an precedensa a l'é visualisà diretament).
A la drita dël boton d'ës quàder, a notrà doi boton:
- Gionté dle figure: se n'archivi dle liste local o anstalé a l'é selessionà, an sgnacand su Gionté dle figure as visualisa la pàgina d'instalassion ant ël quàder prinsipal, a drita dl'antërfacia, e a j'eufr d'andé anans con l'instalassion dle figure dj'artìcoj për s'archivi
- Gavé: se n'archivi dle liste local o anstalé a l'é selessionà, an sgnacand su Gavé as gava l'archivi da sta lista. Se l'archivi a l'era ant la lista local (e donca e l'era instalà localment), j'archivi corëspondent a son ëscancelà.
documentation translation made by